enero bente dos, lunes...

lupet. bago nga blog ko, napakatamad ko naman magsulat dito. naisip ko bigla. walangya, tala-arawan to ah. dapat araw araw ko sinusulatan to. ang kaso eh wala namang nangyayari sa akin nitong mga nakaraang araw.

hanggang ngayon itong mga to pa din ang pinagdadasal ko...

1. makahanap ng trabaho sa singapore. parang awa niyo na. pagod na pagod na ako sa bansang eto. kating kati na ako umalis dito. walang kwenta ang mga nagpapatakbo ng bansang eto. kahit pagbalibaliktarin mo pa ang mga namumuno, pareparehong tae lang yang mga yan.

2. mabuo yung bago kong combo. tatlong bokalista na ang nakausap namin pero sadyang mailap sa amin ang kantatero. yung una, estudyante pa lang...ang sabi sa amin ay tutuunan niya muna ng pansin ang kanyang pag-aaral. yung pangalawa, medyo malambot ang tunog na gusto. pop, ika nga. hehe! yung pangatlo naman...ok na sana. kaso biglang umatras sa mga kadahilanang di ko din alam (ang sabi niya ay family emergency daw, pero malay ba natin). paksyet! sana lang matuloy na to, kating kati na ako gumawa ng musika at tumugtog ulit sa isang entablado.

**onting palatastas lang po. sa enero trenta'y uno, tutugtog yung isa ko pang banda, ang holding hands sa kolumn bar sa may tomas morato. sana po makadalo kayo dun dahil olats kami. sobrang tagal na namin di tumutugtog. hehe! pero seryoso po, maganda po mga kanta namin at nakakaiyak. e-log ika nga. emo na tagalog. hehe!

3. mabili ko yung mga bagay na gusto kong mabili. simpleng simple diba?

salamat sa pagtangkilik. balik po tayo sa kung ano man yung pinagtutuunan niyo ng pansin bago kayo napadpad dito.

kasalukuyang nakikinig sa: hiraya - the flight